ان غابت عن عينى

ان غــــــابت عـــن عينــــــــــي

إن غابت عني وش تبقى لـــي

دنياي بغيابها تظلم ضحاويهــــــا

إن غابت تغيب معها باقي آمالـــــي

وأبقى مع لاهب الأحزان أصاليهـــــا

وإن لاح بـراق طاريهـا على بالـــي

يتراجف القلب تبجيلاً لطاريهــــــا

وترتخـي هامـتي تعظيـم وإجلالـــــي

ما كنّي إلا رقيقاً من مواليهــــــا

وأبعد عن الناس كافّه وأجلس لحالـي

مستلهماً صوتها في صمت أناديهـــــا

وأغمض عيوني برجوى طيف بخيــالـــي

عسى يخالج عطش عيني ويرويهـــــا

وأستنشق عبيرها من بُعـد أميالـــي

وأضمها طيف بأحضاني وأدفيهـــــــا

هذي حياة المحبه خــوف وإذلالــــي

والنفس تطمح لمسكن في علاليهــــــا

والحظ في جال وآنا عنه في جالــي

وش حيلة النفس في حظٍ معنيهــــــا

إن جيت أحل العقد تتعقد حبالـــــي

وإن جيت أكّحل عيوني خايف أعميهـــا

وإن قلت ابأبعد وبأرفع صوت ترحالي

وأعلن وداعي لقاصيها ودانيهــــــا

أذكر حروف أسمها في كل الأحـوالـــي

من دون قصدي لسان الشوق داعيهــــا

مأنسى أسمها إن قصر عمري وإن طالي

دامه في البسملة مانـي بناسيـهــا

يسعدك ربي على الاشعار الجميلة