حكاية عشق مجروحهـ..

مساء الخير

كثر ماغرد القمري .. وحـّـلق من جفاك الطير

كثر ماقلت لك مشتاق

كثر ماتذرف الدمعه من الاشواق

كثر صدك وهجــرانك

كثر ماكان لك قلبي .. ملاذك واصدق اوطانك

بربكــ . . كيفها الاحــوال

تعبت اطلبـك .. والاقي للاسف قلبك . . يصّد وقافـل الجوال

بعدهالكون وش حالك .. عسى مريــّـت في بالـك

عسى للحين فاكرني .. !!

امانــــه باقي تذكرني .. !!

تكلم قووول .. ولاتخجل ولاترتــاب

يـاأول من سكن قلبي . . وآخر ريحة الاحبــاب

انا ذاك الحبيب اللي .. رخص كل العمر لجــلك

وانا ذاك الشعور اللي .. ذرف دمعه على رجلك

انا اللي يوم علمتـّّـه يحب وصار تلميذك

الين اصبحت لك خاتم سقيته من تعاويذك

تبي احكي بعد اكثــر

تبي ذاك البكاء يكبــر

ابسكت بس .. من شان العيون اللي بليلة حب حبتني

وابسكت بس .. من شان العيون اللي بدون اسباب هدتني

ولاقالت وش اللي صار .. !!

بعدعمر الوجع والآه ..

بعد ماقلبي ياعمره .. حضن طيفك وباس اخطاه

رجعت وجيت

ذكرت الشارع المظلم . . سواليفك . . وذاك البيت

هنا كنتي تعيشي يوم

هذيك بيوت جدانك

وذاك الدار .. يسكن اكبر اخوانك

هنا شقتك .. هنا كانت معي رقتك

هنا عند اخر الحـاره ..

هنا ياما تعاهدنا .. نكون اثنين ..

دمعه ساكنـه في عيـن ..

هنا كانت مواعيدك . ..

هنا في ليله مكسوره .. عطيتك قلب في ايدك

هنا كنتي تقولي لي ..

اخاف تروح يانواف . . تغيب ابليله تنساني

امانه لانويت تروح . . دخيلك رد من شاني

هنا كان الغلا موجود ..

هنا كان العمر ليله .. ثواني بالفرح موعود

هنا كانت امانينا

هنا كان الغرام العذب .. على بابه يودينا

هنا ياما سقينا الارض .. مدامع من مآقينـا

هنا كانت عيونك غير ..

هنا كان السكوت اجمل من التعبير ..

هنا كنتي تقولي لي ..

احبك موووت واحيابك ..

هناكان الخفوق يحب .. يضم ويحضن اترابـك

هنا كانت حكاية حب ...

هناك . . ابقرب ذاك السور

هناك ابجنب شباكه . . بجانب بابه المكسور

هنا كان الهوى نابع من الوجدان

برغم الحب واوجاعه .. قساه ولوعة الحرمان

هنا في مثل هالليله

بكينا شوق . . قمر يبكـي معانا فوق

سوالفنا .. حكاوينا .. عذاب الحب يدمينا

هنا هالليله ياعمري

لفيت وجيت من شانك

عشان الحب والذكرى . . عشان سنين هجرانك

رجعت وجيت

ذكرت اني هنا حبيت . .

عرفت ابليله انسانه

خذت عمري بدون حسـاب ..